Geguritan Payung

Dening: Wahyu Dwi Lestari, S.Pd

Langit saya suwe nuju ing peteng sinawang toya kasuntak saka kahyangan

Gleyak-gleyak taksawang ana pawongan manis anyaketi, ngiyup

Dudu merga apa.. Amung ana payung sing ana tangan iki

Dheweke kaya ayem, semono uga

Kapincut tetembungan saka lathi kadya pucuking gaman iki

Langit saya suwe mbukak damar bareng karo sira mlayu

Tanpa nuwun lan apura katinggal sun lan payung

Ning,

Ndonya kadya cakra manggilingan, sira lali

Udan kasuntak, sira arep nunut sapa?

Mbalik padha uga mirang ndilat idu dhewe, sun tan ana

Getunira tan guna.

Penulis : Wahyu Dwi Lestari