Puisi Jawa Atau Geguritan : Amemuji Pepesthen

Amemuji Pepesthen

Dening: WD Lestari

Gumelare ndonya kasunyatan kang sinambung

Sambung-sinambung nggelarake pepesthen saka Kang Maha Panguwasa

Alaming bebrayan kang saya oncat

Ngoncat mbaka ngoncatake jiwa kang padha sinandhi

Nyunteg mbaka sinuntheg swara taningsun

Welasku dhateng Hyang Agung

Kenangapa lakuingsun katata semene

Oncating kalbu saya ndadra

Nyambat lan sinambat mring welasing pepesthen

Ingsun, mung bisa nyuwara lumantar tata galih uga rasa

Ingsun, bisa apa?

Ingsun, kuwasa apa?

Kumecap mung kadya nandur ing salumahe watu item

Pepesthen kang pinuji mung ketekan seprene

Dhuh, Gusti Kang Paring Welas

Welasana wakmami dadya janma kang sareh lan slamet

Nriman lan sukur

Mring pepesthen kang kagaris.

Penulis : Wahyu Dwi Lestari